Марказий кон бошқармаси буюртмасига асосан “MiDiAn-Sid”масъулияти чекланган жамияти ишчилари томонидан олиб борилаётган мазкур бунёдкорлик ишларида Алишер Навоий номидаги ва “Олтин водий” маҳаллалари ҳудудидаги 12 та кўпқаватли уйнинг ташқи кўриниши тартибга келтирилди.

- Бугунги кунда жамиятимиз ходимлари томониданЗарафшон шаҳрида кенг кўламли қурилиш-бунёдкорлик ишлари амалга оширилмоқда, - деди “MiDiAn-Sid”масъулияти чекланган жамияти директори Михаил Натапов. –Бу жараёнда йигирмага яқин ходимимиз фаол иштирок этаяпти. Бунёдкорлик ишлари белгиланган жадвал асосида олиб борилиши натижасида вазифамизнинг 50 фоизи якунига етиб қолди.

Бундай яратувчанлик ишларида жамиятда фаолият олиб бораётган алпинистлар ҳам фаол иштирок этмоқда.

- Лойиҳагакўра, - деди жамият алпинисти Марат Ахметов, - кўпқаватли уйлар ташқи томони эстетик дид билан рангланиши керак. Айни пайтда бу юмуш дид билан амалга оширилмоқда. Бизнинг ишимизни кўриб зарафшонликлар раҳмат айтишмоқда. Бу эса, бизга ўзгача илҳом бағишламоқда.

Марказий кон бошқармаси олиб борилаётган ишларни мунтазам равишда назорат қилиб бормоқда. Жорий йилнинг ёғингарчилик кунларигача мазкур бунёдкорлик ишлари якунига етказилиши режалаштирилган.