Қадрли дўстлар!

Шу кунларда ҳар биримиз ўз ҳаётимизда ўчмас из қолдирган 2019 йил билан хайрлашиб, эзгу қадамлар билан кириб келаётган 2020 йил­ни кўтаринки кайфият ва яхши ниятлар билан қарши олмоқдамиз.

Фурсатдан фойдаланиб, бутун шаҳримиз аҳлини ушбу қутлуғ айём — Янги йил байрами билан чин қалбимдан самимий табриклайман.

Дарҳақиқат, бугун барчамиз ўз якунига ета­ётган 2019 йилни зўр қувонч ҳамда эзгу таассу­ротлар билан кузатар эканмиз, “Фаол инвестициялар ва ижтимоий ривожланиш йили” шаҳримиз аҳли учун ниҳоятда омадли келганини, унинг замирида барча соҳа вакил­ларининг улкан хизматлари мужассамлигини мамнуният билан эътироф этаман.

Шуни мамнуният билан алоҳида таъ­­кидлаш лозимки, улкан ютуқларга бой бўлган йилда ҳар бир соҳа бўйича улкан натижаларга эришилиб, бу­нёд­корлик, аҳоли ҳаёт даражасини ях­ши­­­лаш ва юрт фаровонлиги йўлида му­ҳим аҳамиятга эга бўлган кенг кў­ламли ишлар амалга оширилди.

Биргина бунёдкорлик соҳасини олиб қарайдиган бўлсак, шаҳар аҳолиси, хусусан, ўз яшаш шароитларини яхшилашга муҳтож оилалар учун 45 хонадонли, 8 та кўпқаватли уй-жойлар ўз эгаларига топширилди. Шунингдек, аҳолини маданий ҳордиқ олиши учун шароитларни яхшилаш мақсадида Марказий кон бошқармаси маблағлари ҳисобига Фавворалар сайлгоҳининг бар­по этилиши нафақат шаҳ­римиз кўр­кига кўрк қўшди, бал­ки кўпмиллатли ҳамшаҳарларимиз­нинг қувончига асос бўлди.

Дарҳақиқат, мамлакатимизнинг бар­ча ҳу­­дудларида бўлгани каби, бугун нав­қирон шаҳримизда ҳам юрт рав­нақи йўлида кенг кўламли яра­­тувчан­лик ва бунёдкорлик иш­ла­ри олиб бо­рилаётганлигини мамну­ният билан эътироф этиш лозим.

Жумладан, жорий йилнинг ўтган дав­­­­рида шаҳримизда биргина давлат бюджети маблағлари ҳисобидан 7 та ижтимоий объектлар яъни, 2 та умумтаълим мактаблари ва 4 та маҳалланинг янги бинолари ҳамда 1 та давлат шерикчилиги асосидаги боғчада қурилиш ишлари олиб борилди. Барча умумтаълим мактабларида капитал реконструкция ва мукаммал таъмирлаш ишлари олиб борилди. Шунингдек, 8 та оилавий боғча барпо этилиб, болаларимиз ихтиёрига топширил аҳо­ли фаровонлигини оширишга хиз­­мат қилади.   

 Энг қувончлиси, кириб келаётган 2020 йилда муҳтарам Президенти­миз­­нинг шу йил 17 ноябрдаги "Ўз­бе­кистон Республикасининг 2015 йил­ги Инвестиция дастури тўғриси­да"ги қарори асосида биргина ви­лоятимизда қарийб 1,5 триллион сўм­лик инвестициялар ўзлашти­ри­ли­ши­нинг режалаштирилганлиги мам­ла­кати­миз­­нинг барча ҳудудлари каби ви­­лоятимизда ҳам улкан бу­нёд­кор­лик, модернизациялаш иш­лари­нинг йил­дан-йилга барқарор ўсиб, қам­ро­ви­нинг янада кенгайиб бораёт­ган­ли­ги­ни кўрсатади.

Ўтиб бораётган 2019 йилга “Фаол инвестициялар ва ижтимоий ривожланиш йили” деб ном берилиб, шу асосда қабул қилинган давлат дастури доирасида шаҳримизда ҳам бир қатор ишлар амалга оширилди ва амалга оширилмоқда.

Хусусан, Хитой инвестицияси иштирокида “Централ Азия Шенг Веи Лонг” ҚК тўғридан-тўғри инвестиция ҳажми 135 млн АҚШ долларини ташкил қилувчи цемент заводи қурилиши бошланди. Ушбу лойиҳа тўлиқ амалга оширилиши натижасида жами 300 дан зиёд янги ишчи ўринлари ташкил қилинади ва шаҳар экспорт салоҳияти кескин кўтарилади ҳамда шаҳримиз бюджетига солиқ тушуми сезиларили даражада ортади.  

Бундан ташқари “Ан Шун Макс конструкшион Зарафшан” МЧЖ шаклидаги Ўзбекистон-Хитой қўшма корхонаси ташкил этилди. Натижада 5 миллион долларлик хорижий инвестициялар ўзлаштирилиб мармар плиталар ишлаб чиқариш ва экспорт қилиш имконияти вужудга келди.

“Амесса-Зарафшон текстиль” Ўзбекистон-Туркия қўшма корхонаси томонидан ишлаб чиқарилаётган тикув-трикотаж маҳсулотлари океанорти мамлакатларига экспорт қилинмоқда. Бугунги кунда мазкур корхонада 300 нафар хотин-қизларимиз муқим иш жойларига эга бўлишди.

Шу йилнинг ўзида Хитойнинг “Shaanxi Yangling Fengao Fаrmiпg Co.ltd” билан умумий қиймати 3 миллион АҚШ долларилик меморандум имзоладик. “Zhejiang Riwa Group Co.ltd” компанияси билан шаҳримизда пигмент бўёқлар ва уларнинг ярим маҳсулотларини ишлаб чикарувчи кимё заводини қуриш бўйича 50 миллион АҚШ долларилик келишувга эришилди. Зарафшон шаҳрида мармар ва гранит тошларини қазиб олиш борасида ҳам “Xi Sheng Jin Kou Shi Cai Co.ltd” компанияси билан 5 миллион АКШ долларилик инвестицион келишишув имзоланди. Шу билан бирга ХХРнинг Урумчи шаҳрида “Xinjiang cloud computing information technology Co.ltd” компанияси билан қишлоқ хўжалиги маҳсулотларини ишлаб чиқаришга мўлжалланган 5 миллион АҚШ долларига тенг лойиҳани амалга ошириш ҳақида ҳам битими имзоланди. Ушбу лойиҳалар 2020 йилда амалга оширилади.

Кўзда тутилган ушбу ишларнинг бар­­ча-бар­часи, ҳеч шубҳасизки, ўзи­нинг мантиқий якунига етказилади, кўз­­лан­ган мақсадга эришилади.

Азиз дўстлар!

Фурсатдан фойдаланиб, яна бир бор барчангизни кириб келаётган Янги — 2020 йил билан чин юракдан самимий табриклайман.

Сизларга мустаҳкам соғлик-сало­матлик, оилавий бахту саодат, Вата­нимиз равнақи йўлидаги масъулият­ли ва шарафли фаолиятингизда ул­кан муваффақиятлар тилайман.

Янги йилда хонадонингиздан чек­сиз қувонч, файзу барака, тинчлик-осойишталик аримасин!

Буюк ва муқаддас Ватан - жонажон Ўзбекистонимиз осмони ҳамиша мусаффо бўлсин!

Янги йилингиз муборак бўлсин!

А.РАДЖАБОВ,

Зарафшон шаҳар ҳокими.