Имконият ва имтиёзлар самараси 

Зарафшон шаҳридаги "Евроноти" хусусий корхонасида ишлаб чиқарилаётган 14 турдаги макарон маҳсулотлари аҳолига манзур бўлмоқда.

Мамлакатимизда кичик бизнес ва хусусий тадбиркорликни ривожлан­тиришга қаратилаётган алоҳида эъти­бор янги иш ўринлари яратиш, аҳоли фаровонлигини юксалтириш­да муҳим аҳамият касб этмоқда. Ўтган  йилнинг 5 октябридаги Ўзбе­кис­тон Республикаси Президенти Шавкат Мирзиёевнинг "Тадбиркор­лик фаолиятининг жадал ривожла­нишини таъминлашга, хусусий мулк­ни ҳар томонлама ҳимоя қилишга ва ишбилармонлик муҳитини сифат жиҳатидан яхшилашга доир қўшимча чора-тадбирлар тўғрисида"ги Фар­мо­ни бу борадаги ишлар самара­дор­лигини янада оширишда муҳим аҳамиятга эга.

— Дастлаб 2013 йилда тижорат банкидан олинган 50 минг АҚШ дол­лар маблағ билан фаолият бошлаган эдик, — дейди корхона раҳбари Улуғ­мурод Шарипов. — Банкдан олинган кредит эвазига макарон иш­лаб чиқаришга мўлжалланган замонавий хориж ускунаси харид қилдик. Ишни замонавий техноло­гия­лар асосида ташкил этишнинг ўзи фаолиятни ривожлантириш учун кифоя қилмайди, албатта. Бунинг учун, аввало, бозор талабини мун­тазам ўрганиб, маҳсулот сифатини назорат қилиб бориш, доимий изла­ниш талаб этилади. Аста-секинлик билан маҳсулотимиз ўз харидорла­рини топа олишга эришди.

4 нафар ишчи меҳнат қилаётган корхонада маҳсулотлар савдо нуқта­ла­ри орқали ҳамда буюртмалар асосида Зарафшон шаҳри ҳамда Томди ва Учқудуқ туманларига етка­зиб берилаётир. Маҳсулот цехнинг ўзида махсус ускуналар ёрдамида қадоқланмоқда.

Соатига 120 килограмм макарон маҳсулоти ишлаб чиқариш қувватига эга корхо­нада янги-янги лойиҳалар амалга оши­рилмоқда. Жорий йилда банк­нинг туман филиалидан олинган 80 миллион сўмлик кредит эвазига нон ва нон маҳсулотлари цехи ишга ту­ширилиши режалаштирилган. Бу иш ҳажми ва даромадни ошириш баробарида 8 та янги иш ўрни яра­тиш имконини беради.

Сирож АСЛОНОВ.

Манбаа: dustlikbayrogi.uz