Жисмоний ва юридик шахслар диққатига!

Ўзбекистон Республикаси Президентининг виртуал қабулхонаси фаолиятини янада такомиллаштириш, жисмоний ва юридик шахслар учун давлат органларига мурожаат қилишда қўшимча қулайликлар яратиш мақсадида, 2018 йил 1 февралдан эътиборан Ўзбекистон Республикаси Президенти виртуал қабулхонаси ахборот тизимининг янги талқини ишга тушурилди.

Ўзбекистон Республикаси Президенти виртуал қабулхонасининг янги ахборот тизими жисмоний ва юридик шахсларга ўз мурожаатларини интернет тармоғидаги pm.gov.uz манзилидаги веб-сайт орқали давлат органларининг раҳбарларига бевосита юбориш имкониятини беради.

Юқоридагиларни инобатга олиб, вилоят, шаҳар, туман ҳокимлари ёки вилоят ҳудудидаги бошқа давлат органлари раҳбарларига интернет тармоғидаги pm.gov.uz манзилидаги веб-сайт орқали мурожаатларингизни юборишингиз мумкин.