Хитой ялпи ички маҳсулоти 2017 йилнинг биринчи чорагида қанчага ўсгани маълум
Дастлабки ҳисоб-китобларга кўра, Хитой ялпи ички маҳсулоти 2017 йилнинг биринчи чорагида 6,9 фоизга ўсди. Бу ҳақда РИА «Новости» Хитой давлат статистика бюроси маълумотларига асосан хабар бермоқда.
«Дастлабки ҳисоб-китобларга кўра, Хитой ялпи ички маҳсулоти ўсиши 2017 йилнинг биринчи чорагида 6,9 фоизни ташкил қилди», - дейилади 17 апрель куни тарқатилган ҳисоботда.
Таъкидланишича, бу кўрсаткич расмий башорат ва экспертлар тахминидан ҳам яхши бўлиб чиққан.
Аввалроқ Хитой ЯИМнинг 2017 йилдаги ўсиш суръати 6,5 фоизни ташкил этиши хабар қилинганди.
Манба: kun.uz
