Йиғилишга шаҳар ҳокими ўринбосарлари, Халқ қабулхонаси Зарафшон шаҳар бўлими, шаҳар прокурори, шаҳар Ички ишлар бошқармаси ҳамда барча корхона, ташкилот ва муассаса раҳбарлари иштирок этди. Унда шаҳримиздаги "А.Навоий", "Кончилар" ҳамда "Мурунтоғ" маҳалла фуқаролар йиғинлари аҳолиси таклиф этилди. Қабул жараёнида 25 нафар фуқаролардан турли мавзулардаги мурожаатлар қабул қилинди ва уларнинг ижроси бўйича тегишли корхона ва ташкилот раҳбарларига белгиланган муддатлар асосида топшириқлар берилди.