Вилоятда иккинчи ўрин

           Зарафшон Тиббиёт коллежи ҳамшираси Нодира Миржонова Навоий шаҳрида Ўзбекистон “Миллий тикланиш” демократик партияси вилоят кенгаши томонидан ўтказилган “Донолик ва ташаббускорлик — сиёсий етакчилик мезони” лойиҳаси доирасидаги “XXI аср аёли” республика кўрик-танловининг вилоят босқичида иккинчи ўринни эгаллади.

         Халқ депутатлари маҳаллий Кенгашлардаги ЎзМТДП гуруҳи аъзолари, партия  вилоят кенгаши ходимлари, танловнинг шаҳар ва туман босқичи ғолиблари, ёшлар, партия фаоллари ва ОАВ вакиллари иштирок этган танловда қатнашчилар “Партия менинг тақдиримда”, “Агар мен депутат бўлсам...”, “Лойиҳалар танлови” шартларида ақлу-салоҳиятларини намойиш қилишди. Н.Миржонованинг ҳам сиёсий ташаббуслари, ижодий имкониятлари ҳайъат аъзоларига манзур бўлди.

            – Ушбу танлов биз хотин-қизларни жамиятимизда кечаётган жараёнларда фаол иштирок этиш, сиёсий ва ҳуқуқий билим савиямизни оширишга ундагани билан эътиборга молик, – дейди Н.Миржонова. – Сиёсатга бефарқ эмаслигим, қолаверса миллий тикланиш ғояларига хайрихоҳлигимдан келиб чиққан ҳолда танловнинг вилоят босқичида фаол иштирок этдим.

Таъкидлаш жоизки, мазкур танлов  хотин-қизларнинг ижтимоий фаоллигини ошириш, сиёсий онги ва маданиятини янада юксалтиришда муҳим аҳамият касб этади.

Дилнавоз НОСИРОВА,

ЎзМТДП шаҳар кенгаши раиси.